الموضوع: زراعة الورد الجوري ... استفسار

زراعة الورد الجوري ... استفسار

السلام عليكم ورحمة الله وبركاته

لدي سؤال الى الاخوة المهندسين الزراعيين عن الورد الجوري

من زمااااان وانا بحلم يكون عندي بالبيت اشجار للورد الجوري

ولكن كلما كنت افكر بهاد الموضوع كنت اشعر بالقلق لاني عارفه انه

مش رح تنجح معي الشجرة ..

بدي اعرف الوقت المناسب لزراعة الورد الجوري
وحابه اعرف عن نوعية التربة المفضله لزراعة الجوري
واي نصائح كمان بخصوص الورد الجوري

يا ريت اخواني المهندسين تجاوبوني


تقبلوا فائق الاحترام
اختكم اميرة الاردن

المصدر: منتدى الحديقة

---

```R`d` `RiWi``x `RiW`'i`i. >>> `R`m`Ii[`m`R`

Facebook Comments - تعليقك على الفيس بوك ابسط دعم لنا

اهلا وسهلا بكي اميرة الاردن حياكي معنا خيتو منوره الحديقه


بالنسبه لاستفساراتك انا بترك الجواب لك بعد قراءة الموضوع التالي


كل ششيء عن الورد الجوري


وهذا الموضوع كمان يتحدث عن الورد الجوري تقريبا فيهم توافق

الورد الجوري



وغير هيك ازرعيهم ولا تخافي جيبي اللي بتحبيه من الالوان واذا عندك صغار في نوعيات مهجنه ما فيها اي شوك


وبالامكان توفيرها لكي ان امكن تحديد مكانكم في الاردن ممكن نوفرلك افضل الاصناف

النور نورك اخي العزيز احمد جرادات
مبسوطة كتير لردك اخي العزيز

لكن لا اخفي عليك تعذر عليه فهم الموضوع كاملا لاطالته
واتوقع انني وجدت اللي بدي اياه ..
زراعة الورد الجوري يكون في كانون الثاني الى نهاية شباط اليس كذلك؟
وماذا عن طريقة الزراعه.. ارجو الاجابة اخي جرادات

وبخصوص توفير الانواع كيف يمكن ان توفر لي الانواع
ولا اعرف اذا اسئت فهمك ام لا
اذا اسئت الفهم ارجو ان تعذرني

تحياتي لك
اميرة الاردن

حياكي اختي الكريمه الله يحييكي منوره المنتدى

بالنسبه لموعد الزراعه كلام صحيح وهو بداية موسم الربيع لدينا بالاردن تقريبا


كيفية الزراعه سهله بحاجة تربه خفيفه جيدة الصرف ليست طينيه ثقيله يعني في مناطق الشمال عندنا مناطق تربتها طينيه خالصه حتى انها بالصيف تتشقق عندما تجف من الماء

الزراعه تكون بشكل طبيعي عمل حفره بالمكان المناسب المخطط له بشكل يعطي جمال للمكان ليس مجرد زراعه وبعدها تصبح عائق او غيره جميلة المنظر

عمل حفره لنقل حتى نصف متر طبعا حسب حجم الشتله ولكن بعمق كافي للجذور ان توفر بعض السماد العضوي المخمر والمصنع يباع بالمحلات الزراعيه او المشاتل الموجوده بعمان او البقعه مثلا ويوضع كمية بسيطه بقاع الحفره

بتجيبي الشتله وتحطيها بوسط الحفره مع محاولة تفتيت التربه لانه احيانان بتكون متصله ومتكتله وممكن تسبب ضعف للشتله بعدها بتضيفي التربه الجيده ومحاولة رص التربه لتثبيت النبات حتى ما يجي حد يشدها ويشلعها من الارض

بعدها بتسقيها بشكل معتدل ما تغرقي الارض حتى تبقى المي مده طويله فوقها هذا غلط يكفي انك تعطيها لنقل غالون مي يعني 20 لتر والري عادي يعني عندنا بمناطق اربد حتى في عز الصيف بالايام الحاره بتسقيها مرتين بالاسبوع بتبقى عايشه وممتازه واذا توفر مي خليهم 3 مرات بس اهم شي ما تكون زياده


واخر شي اتوكلي على الله ازعي بكل بساطه وان شاء الله رح تطلع وتعيش وتعطيكي ورد احلى ما يمكن


قصدت توفير الشتلات اذا كان عندك حاجه لاحد يزرعهم او عمل حديق او من هذا القبيل هذا القصد

ونورتي المنتدى

شكرا على الشرح مهندس احمد .. غلبتك معي
انا رح اهتم كتير بزراعة الورد الجوري لحين وقته

بتعرف مهندس احمد شو المشكله
المشكله انه نحنا في اربد ما بتلاقي هالمحلات والمشاتل
المعروفه واللي تبيع شغلات مميزة
يعني انا ما بعرف مشاتل في اربد ولا محلات خاصه بهاد الشغل
اللي بعرفهم بس محل واحد بسما الروسان
ومشتل كتيييييييير صغير في اربد البلد واكيد مو موجود عنده كل الانواع اللي بدك اياها
ممكن انا جديده على هاد المجال وما بعرف
وانت اكيد بتكون خبرتك اوسع
فشو هي المحلات اللي بتنصحني فيها او اللي بتعرفها
لكن الذهاب الى عمان ممكن صعب شوي عليه


تقبل فائق الاحترام مهندسنا
اميرة الاردن

يا هلا والله باهل سما الروسان

هي طلعنا جيران يلا كويس كثير


اربد فيها كثير محلات ومشاتل


ما بعرف اذا بتزوري اربد اعندك بشارع الهاشمي في محلات وعطريق الحصن في

وكمان في محل بالسوق باربد بشارع السينما عند الاحوال المدنيه


ويا ستي اذا بدك بخلي صاحبي هو من عندكم من الروسان بشتغل ببلدية اربد يوفرلك كل اللي بدك ياه

اهلا وسهلا فيك ونعم الجيرة
بس انا مو من سما يعني من منطقه بنفس اللواء
وشكرا كتير كتير على مساعدتك الحلوة
وبوعدك لما احتاج الامور هاي احكيلك عنها
بس هلا بثقف نفسي اكتر بخصوص الزراعه
لسا التطبيق شوي وانشالله رح اطبق اللي تعلمته من النت
ورح اروح على الامكنة اللي حكيتلي عنها واشوف كمان

شكرا كتير الك مهندسنا الكريم على الافاده
تقبل فائق الاحترام
اميرة الاردن